Ankesat për tenderët pranë Komisonit të Prokurimit publik tashmë janë bërë të përditshme. Këtë herë denoncimi i radhës ka ardhur për “Drejtorinë e Konvikteve të Shkollave të Mesme”, pasi ka abuzuar me paratë që duhet të shkojnë për furnizmin me ushqim të këtyre konvikteve. Sipas të dhënave të publikuar për këtë tender janë shpenzuar 1,228,221.00 lekë për të blerë fruta për konviktet, por që deri më tani ata nuk kanë marrë asnjë shërbim, për shkak se projekti ka ngecurduke qenë se është hartuar në shkelje të ligjit. Këto shkelje i ka nxjerrë një për një kompania “NELSA SHPK”, e cila shprehet se Drejtoria e Konvikteve e ka përjashtuar pa të drejtë nga gara për t’ia dhënë tenderin mikes së saj dhe për të përfituar kështu të dy palët nga kjo shkelje.
Konkretisht në ankesë thuhet se shkelja e parë ka të bëjë me fondin limit, i cili përcaktohet në vlera të ndryshme për konkurrentë të ndryshme, ndërsa në fund Drejtoria e Konvikteve ka shpallur fituese kompaninë e cila ka paraqitur ofertën me vlerë gati sa 98% e fondit limit, pra gati 1 mln lekë. Më tutje, ankimusei pretendon se autoriteti kontraktues ka ndryshuar kriteret e garës sipas interest dhe duke lehtësuar kompaninë mike që shpalli fituese.
“Duke marrë në konsideratë natyrën e proçedurës së prokurimit e cila ka të bëjë me furnizimin me produkte fruta perime sipas specifikimeve teknike të përcaktuara në dokumentet e tenderit , vlerësojmë se kërkesa për disponueshmërinë e “1 (Një) Makineri Larese per Fruta Perime, në pronësi ose me qira”, është një kërkesë tërësisht e ekzagjeruar, abusive dhe jo proporcionale me objektin e kontratës duke rënë ndesh me ligjin “Për Prokurimin Publik” si dhe me aktet nënligjore në zbatim të tij, dhe që rrjedhimisht ndikon në mënyrë të drejtpërdrejtë në uljen e pjesëmarrjes duke ngushtuar në mënyrëartificiale konkurrencën si dhe duke ulur efiçencën e procedurës së prokurimit”, thuhet në document, kjo tregon hapur se në këtë tender është cenuar konkurrenca.
Në përfundim, ankimuesi shpreher se Drejtoria e Konvikteve ka dhënë këtë tender kompanisë mike pa zhvilluar një garë të mirëfilltë, duke shkelur rregullin kryesor për prokurimet. Ndërsa thekson se vlera prej 1 milionë lekësh po keqpërdoret nga ana e drejtorisë dhe konviktet nuk po furnizohen me produktet e nevojshme.
Discussion about this post