Qeveria britanike synon të deportojë 5700 emigrantë në Ruandë deri në fund të vitit

Qeveria britanike tha këtë të martë se shpreson të dëbojë në Ruandë deri në fund të këtij viti një grup prej 5,700 azilkërkuesish.

Qeveria konservatore e Rishi Sunak synon të fillojë dëbimet brenda korrikut.

Sipas një dokumenti të publikuar të hënën nga Ministria e Brendshme, Kigali u pajtua në parim për të mirëpritur 5700 azilkërkues.

Ky grup është përzgjedhur ndër 57,000 njerëz që kanë mbërritur ilegalisht në Mbretërinë e Bashkuar nga janari i 2022 deri në fund të qershorit 2023.

Irlanda ka deklaruar se po përballet me një fluks emigrantësh nga Mbretëria e Bashkuar, duke fajësuar politikën e migracionit të fqinjit të saj.