Qeveria e Kosovës do të mblidhet sot në ora 16:00, ku pritet të vendoset për masat e reja anti-Covid. Mediat kosovare shkruajnë se masat e reja pritet të jenë të vlefshme deri më 13 shtator.
Sipas diskutimeve me nivelin komunal, që ka bërë ministri i shëndetësisë, Arben Vitia pritet që masat e reja, të jenë këto:
Viti i ri shkollor të shtyhet deri më 13 shtator, ku do të rivlerësohet situata.
Të kthehet ora policore nga ora 22:00 deri në 05:00.
Gastronomia të mbyllet nga ora 21:30.
Të shtohet staf shëndetësor dhe inspektorë rreth 1 mijë e 116.
Do të realizohen deri 92% kërkesat e komunave për furnizim me barna esenciale.
Ndërkohë që gjatë javës së parë të shtatorit Kosova do të furnizohet me rreth 470 mijë vaksina nga COVAX.
