Kryeministri në largim i Malit të Zi, Dritan Abazoviç ka reaguar në lidhje me shkarkimin nga detyra të drejtorit të Agjencisë Kombëtare të Sigurisë (ANB), Sava Kentera. Abazoviç tha se një lëvizje e tillë është bërë për shkak të një lufte speciale përmes shërbimeve të sigurisë kundër disa anëtarëve të Qeverisë.
“Njerëz të caktuar brenda ANB-së, nuk e kam në shënjestër ish-drejtorin, sipas informacioneve që kam dhe që janë të besueshme, janë njerëz që po mundohen të përgatisin apo kanë përgatitur tashmë afera në lidhje me disa anëtarë të Qeverisë dhe disa anëtarë të Administrata e Policisë. Nuk do t’i publikoj emrat, disa prej tyre janë përmendur në emisione të tjera televizive dhe nuk janë sekret i madh, ka më shumë”, tha Abazoviç.
Ai shtoi se e ka pyetur Kenteran nëse është i njohur me këto çështje dhe se ka marrë përgjigje negative.
Qeveria e Malit të Zi përmes një seancë elektronike shkarkoi drejtorin e ANB-së. Kjo i befasoi disa diplomatë perëndimorë të cilët thanë se puna e drejtorit të zëvendësuar ishte “vlerësuar si pozitive në kryeqytetet perëndimore”, ndërsa disa parti nga opozita e lidhën vendimin me rrjetin e ekspozuar së fundmi të bashkëpunëtorëve të shërbimit inteligjent rus.
Discussion about this post