Qeveria e Ramës “shpërblen” me postin e rëndësishëm djalin e Rexhep Meidanit

Djali i ish-presidentit, Rexhep Meidani, Denioni është rikthyer në poste drejtuese nga Qeveria e Ramës.

Mësohet se ky i fundit është emëruar drejtor i qendrës për rehabilitimin e të kthyerve nga aktivitetet terroriste dhe ekstremizmi i dhunshëm.

Gjatë qeverisjes PS-PD në vitin 2017, Meidani ka mbajtur edhe postin e drejtorit të SHKB-s së burgjeve kur ministër drejtësie ishte Gazmend Bardhi. Meidani është dhe një emër i njohur për Doganën shqiptare, pasi në vitin 2012 ka qenë nëndrejtor i Doganave dhe më pas drejtor i Anti-Kontrabandës, por u shkarkua nga Elisa Spiropali, atëherë drejtoreshë e Doganave.

Qendra e cila rehabiliton të kthyerit nga kampet e terrorizmit deri pak ditë më parë është drejtuar nga Ledi Dervishi.

Aktualisht kjo qendër e cila u krijua në varësi të kryeministrit Rama ka kaluar në varësi te ministrit të brendshëm Bledi Çuçi, ndërsa do të drejtohet tashmë nga Meidani.