Qeveria gjen zgjidhjen për krizën: Ju rujt Zoti

Nëse bëhet fjalë për të treguar sa të zotët jemi para syve të botës, qeveria e kryeministrit Rama është e para. I përkushtuar për të zgjidhur hallet e Ukrainës në luftën me Rusinë, Rama desh harroi që problemet më të mëdha po i ndodhin në vendin e tij, ku situata me çmimet është në kolaps.

Duke përdorur propagandën mediatike, armën më të fuqishme që po e mban ende në pushtet, Rama doli e tha: “Qeveria s’ka ça bën, çmimet do rriten”, duke nënkuptuar Zoti ju rujt.

Shumë pak i interesoi kryeministrit dhe ministres Balluku se brenda një jave çmimi i naftës është rritur tre herë duke kapur shifra rekord, ndërsa kur vetëm sot shënonte 240 lekë për litër, sërish Rama tha se kjo nuk vjen për shkak të qeverisë, por perhapi panik se në skenarin më të keq nafta do të shkojë në 300 lekë për litër.

Ndonëse në vendet e rajonit Maqedoni apo Kosovë, shteti ka ndërhyrë me politika sociale duke ulur taksat për t’ia lehtësuar jetesën qytetarëve, e kundërta ndodh në Shqipëri, ku qeveria as nuk terezitet, po mjaftohet me një konferencë. Nga ana tjetër edhe Balluku, ndoqi retorikën e Ramës, ku fliste me dhimbje se vendet e tjera kanë shumëfishuar çmimet, para se të fliste për çmimet anormale që po sjellin ndër të tjera emigrim masiv.

Por Balluku u tregua mjaft e “sjellshme” kur tha se qeveria do të na tregojë kur dhe si do ta përdorim kondicionerin, kur duhet të ndezim dritat dhe kur duhet të përdorim makinën. Megjithëse ministrja nuk na tregoi nëse vetë do t’i aplikonte këto masa, e as Rama nuk na tha si do t’i mbulonte shpenzimet me charter privat tani që nafta ka shkuar në stratosferë.

Përkundrazi ngriti alarmin kur tha se vendi mund të vuajë furnizimin me naftë apo me energji, për shkak të sanksioneve ruse, efektet e së cilës u ndjenë më parë në Shqipëri, pa dhënë ende efekt në Ukrainë apo vendet e tjera fqinje.

Nëse të njëjtat reagime pa ofruar zgjidhje, do t’i kishte bërë një qeveri tjetër në pushtet, vetëm pak minuta pas konferencës Rama do t’i kërkonte dorëheqjen kryeministrit në fjalë, por kur situatën e kalon vetë është e vështirë të lesh karrigen e pushtetit.

Duke u fokusuar tek politika e jashtme, Rama po harron pozicionin për të cilin është zgjedhur, duke rrezikuar pushtetin, megjithëse me Bashën në krye të PD, vendi i tij është i sigurt, sikur e sigurt është dhe fakti që çmimet do vazhdojnë të rriten, dhe zgjedhjen për t’i përballuar duhet t’i gjejnë vetë qytetarët./ D.L/ Gijotina.com