Qeveria Rama njihet për punët e lëna përgjysmë dhe për show-n mediatik që pas kryeministrit po e përvetësojnë edhe ministrat e qeverisë. E fundit është ministrja e Energjetikës dhe Infrastrukturës, Belinda Balluku e cila deklaroi në muajin maj të 2021-it se Bypassi i Vlorës do të hapej provizorisht në 15 korrik 2021.
Në atë periudhë ajo deklaroi se do të mbyllej në muajin shtator për të nisur punimet e më pas në muajin nëntor do të ishin gati. Në 16 korrik 2021 vetë ministrja me në krah kryeministrin Edi Rama deklaroi se bypassi i monitoruar me radar, nuk do të ketë ndalim pune pasi gjithçka po shkonte sipas skedulës.
Por me një verifikim të thjeshtë në terren, shikon që këto premtime nuk janë realizuar ende, ndonëse duhet të kishin nisur dy muaj më parë.
Discussion about this post