3 muaj pas përfundimit të paketës së ndihmës prej 3 mije lekësh pensionistet kuksianë që jetojnë vetëm dhe që marrin më pak sesa gjysma e pagës minimale, nuk kanë përfituar më bonusin.
Ata kërkojnë rikthimin e bonusit për zbutjen e krizës së ekonomisë familjare si shkak i rritjes së çmimeve.
“Atë ndihmë që u dha shteti dhe tani i ndali. Kam 3 muaj që nuk kam marrë. Ne pensionistët nuk jemi të pasur, pensionet i kemi në fund të pagesave. Të rikthehet ndihma ekonomike, ne pensionistët duhet të përkrahemi sepse kemi rënë në gjendje të rëndë ekonomike”.
Gjithashtu, një tjetër pensionist ka ngritur shqetësimin se kërkon tu rikthehet ndihma sepse sipas tyre kriza është thelluar.
“Kërkojmë që të rikthehet ndihma sepse kriza është thelluar, nuk ka përse të ndalohet. Sadopak na ka shërbyer, pak por është një ndihmë ekonomike. 100 mijë lek pension marr as ilaçe s’më dali. Po të ndihmojnë, 30 mijë lek nuk janë pak, i marr gjysmat e ilaçeve”.
Të njëjtën kërkesë kanë dhe shtresat e tjera sociale të cilat u përfshinë në paketën e parë të ndihmës si personat me aftësi të kufizuara dhe të gjitha familjet që janë në skemën e ndihmës ekonomike. Paketa e Rezistencës Sociale u ka ardhur në ndihmë direkt 4779 familjeve në Bashkinë e Kukësit.
Discussion about this post