Qeveria shqiptare ka humbur një tjetër gjyq në Strasburg, në Gjykatën Evropiane për të Drejtat e Njeriut, kundër Fotaq Zaharia, ose i njohur ndryshe edhe si “i forti i Vlorës”.
Kështu, këtë të mërkurë, 1 Qershor, Këshilli i Ministrave ka miratuar vendimin për të ekzekutuar verdiktin e gjykatës, për t’i akorduar Fotaq Zaharisë shumën 13 000 (trembëdhjetë mijë) euro, për mbulimin e dëmit pasuror dhe jopasuror dhe 2000 (dy mijë) euro, në lidhje me kostot dhe shpenzimet, plus çdo taksë që mund të jetë e aplikueshme.
“Ekzekutimin e vendimit të Gjykatës Evropiane për të Drejtat e Njeriut, datë 9.12.2021, për çështjen “Fotaq Zaharia kundër Shqipërisë”, kërkesa nr.45022/16, përfundimtar, në datën 9.12.2021, në shumën 13 000 (trembëdhjetë mijë) euro, për mbulimin e dëmit pasuror dhe jopasuror dhe 2000 (dy mijë) euro, në lidhje me kostot dhe shpenzimet, plus çdo taksë që mund të jetë e aplikueshme”, thuhet në VKM.
Pagimi i shumës, do të bëhet nga buxheti i Ministrisë së Financave dhe Ekonomisë.
Discussion about this post