Qeveria e shqiptare ka miratuar në mbledhjen e kësaj të mërkure ndihmën prej 5 milionë lekësh për familjen e efektivit Saimir Hoxha. 44-vjeçari mbeti i vrarë në krye të detyrës, gjatë një operacioni anti-kanabis në Lezhë.
Fondi do të përballohet nga fondi rezervë i buxhetit të shtetit. Saimir Hoxha u përcoll sot në banesën e fundit, ndërsa ishte i martuar dhe la pas dy fëmijë të mitur.
“Në mbështetje të nenit 100 të Kushtetutës, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të ligjit nr.137/2020, “Për buxhetin e vitit 2021”, të ndryshuar, me propozimin e ministrit të Brendshëm, Këshilli i Ministrave vendosi:
Dhënien e ndihmës financiare, prej 5 000 000 (pesë milionë) lekësh, familjes së Nënkomisarit Saimir Bilal Hoxha, ish-punonjës policie në Komisariatin e Policisë Lezhë, në Drejtorinë Vendore të Policisë Lezhë, i vrarë në krye të detyrës. Ky vendim hyn në fuqi menjëherë”, thuhet në vendim.
Kujtojmë se Saimir Hoxha u shpall “Dëshmor i Atdheut”, duke qenë se humbi jetën në krye të detyrës.
E.H/ gijotina.com/
