Banorët e një lagjeje në qytetin e Elbasanit janë përplasur fizikisht me forcat e policisë, të cilët kanë bllokuar rrugën që lagjja e tyre përdor për të shkuar në qytet.
Banorët e pranojnë që ajo rrugë është e rrezikshme, por sipas tyre është e gabuar që qeveria shkoi dhe e mbyll pa i lajmëruar, duke i bllokuar ata totalisht nga qyteti. Sipas tyre vendosja e traut do i shkaktojë atyre shumë kosto sepse janë mbi 500 familje që e përdorin atë rrugë për të shkuar në punë, për të marrë shërbime nga qyteti apo për nevoja të tjera të përditshme.
Një banor tha se u përplasën me forcat e policisë për shkak se janë shumë të revoltuar që nuk janë pyetur për bllokimin e rrugës dhe nuk iu është dhënë një zgjidhje tjetër alternative.
“Po protestojmë për traun që është vendosur këtu dhe nuk na lejojnë të kalojnë as njerëz as makina dhe nuk na kanë shpjeguar se pse e kanë bërë këtë. Duhej të merrnin masat më përpara të bënin një mbikalim. Kjo lagje është sa gjysma e Elbasanit, ku do kalojnë njerëzit.
Vërtet ky kalim është i rrezikshëm por, shteti duhej të merrte masa më përpara , mos na detyrojnë të përplasemi këtu. Ne na vjen keq se edhe këta policët me makina janë njerëz si ne janë në punën e tyre. Ata erdhën pa e ditur Bashkia , e ka bërë IKMT. Ne jemi mbi 500 familje dhe këtë rrugë kemi është apo jo e rrezikshme është rrugë që na lidh me qytetin”, u shpreh ai.
Ndërsa një banor tha se, ajo rrugë është bërë shumë herë burim aksidenti, por në kaq vite qeveria asnjëherë nuk ka dëgjuar kërkesën e tyre për një mbikalim dhe bllokimi total i rrugës iu shkakton shumë dëme asaj zone.
“Këtu vërtetë ka pasur shumë aksidentet, para 5 muajsh u aksidentua një vajzë dhe më pas një grua me fëmijë të vogël. Por ka kaq vite nuk i ka dhënë rrugë zgjidhje tani çfarë të bëjmë ne e sa do presim akoma.
Për të marrë pension duhet të dalim në maj të Krastës dhe pastaj të shkojmë në qytetet, kjo është e lodhmë. Duhet të ishin konsultuar me ne, prandaj dolëm këtu dhe ndodhi kjo përplasje. Ne kemi vite që kërkojmë një mbikalim ose nën kalim, por ata as për një semafor nuk e kanë vënë ujin në zjarr, por thjesht e bllokuan”, tha ai.
Ndërsa, deri më tani nuk ka pasur asnjë reagim nga Bashkia e Elbasanit për këtë çështje. https://youtu.be/264fLyCynxw
E,H/ gijotina.com/
