Pas dëmit financiar që iu solli pandemia, bizneset në zonën bregdetare kanë marrë goditjen e fundit nga qeveria. Ditën e sotme Këshilli Bashkiak Vlorë ka aprovuar kërkesën e Ramës për rritjen e të ardhurave të bashkisë për sektorin e pastrimit.
Vendimi parashikon ndryshimet në Vlerat e tarifave të pastrimit nga 48- 70%. Sipas drejtores Anjeza Shiko që prezantoi projekt vendimin, është bërë një prezantim paraprake për bizneset që do përfshihen në këtë vendim.
Fillimisht, do të preken nga rritja e taksave bizneset në sektorin e hotelerisë, ndërsa theksohet se, bizneset sezonal nuk do preken nga ndryshimet. Vendimi përcakton se bizneset që operojnë gjithë vitin do të takohen sipas zonës.
Sakaq, Këshilli ka vendosur që, për kategorinë e shfrytëzimit të hapësirës nga 51-100 m2 do paguajnë 20.000 lekë nga 12.000 lekë që paguanin. Ndërsa kategoria nga +100 m2 do të trajtohen 25.000 lekë nga 17.000 lekë që paguanin më parë. Nga kjo rritje e tarifave preken 576 biznese në bashkinë e Vlorës dhe vendimi hyn në fuqi nga 1 janari 2022. Pra si duket Rama e kishte përgatitur më parë terrenin për ngritjen e taksave pasi shpesh herë ka pasur kritika ndaj kryetarit të Bashkisë Vlorë për pjesën e pastrimit, ndërsa më parë paralajmëroi se do të jetë rritje të buxhetit për pastrimin.
Discussion about this post