Qeveria vazhdon të favorizojë kompanitë e saj mike, duke iu dhënë mundësi për të zhvilluar aktivitetet e tyre kudo që ata duan. Në mbledhjen e sotme Këshilli i Ministrave ka vendosur t’i jap disa kompanive me qira pronat shtetërore në qytetin bregdetar të Vlorës.
Përveç se po jep për privatizimin tokë shtetërore, qeveria thuajse po e falë atë me një çmim kaq të lirë. Ndërsa qytetarët vazhdojnë të paguajnë taksa të larta për këto zona.
“Këshilli i Ministrave vendos. Dhënien e miratimit për lidhjen e kontratës së qirasë, me tarifën 1 (një) euro/kontrata, ndërmjet Ministrisë së Financave dhe Ekonomisë, si qiradhënës, dhe Bashkimit të Shoqërive (JV), “Marina di Valona”, sh.p.k., me NUIS M01324008A, “Brunes”, sh.p.k., me NUIS K37125203H, “Ndregjoni”, sh.p.k., me NUIS K31329048I, dhe “Marina Projects” LTD, me numër regjistrimi 04182366, si qiramarrës, për pronën e paluajtshme shtetërore në zonën kadastrale nr.8602,
Bashkia Vlorë, pjesë e fondit të pasurive të paluajtshme për mbështetjen e investimeve strategjike, sipas dokumentacionit të pronësisë, plan vendosjes, listës së pasurive dhe tekstit të projekt kontratës, që i bashkëlidhen këtij vendimi”, thuhet në vendim.
Theksojmë se një javë më parë qeveria bëri të njëjtën gjë me një kompani qa po ndërton përbindëshin e betonizimt në mes të Tiranës.
