Qeveria shqiptare ka 120 milionë euro detyrime të prapambetura ndaj personave me aftësi të kufizuara. Që nga viti 2011 e në vazhdim janë qindra vendime gjyqësore ende të paekzekutuara.
Personat paraplegjikë dhe tetraplegjikë, të lodhur nga pritja ndër vite, kërkuan para kryeministrisë përfshirjen në buxhetin e vitit 2022 të këtyre pagesave.
Pagesa mujore mesatare për këta persona është nga 11 deri në 20 mijë lekë të reja. Shpenzimet e tyre janë edhe shumë herë më të larta. Me këtë pagesë shumica nuk e kanë mundësi të blejnë as një karrocë elektrike.
Me ndarjen e re territoriale, pagesa e detyrimeve të prapambetura i ka kaluar bashkive, por sipas Shoqatës së Personave me Dëmtim të Shtyllës Kurrizore, buxheti i institucioneve vendore është i pamjaftueshëm.
Discussion about this post