Në fjalën e tij para militantëve të Fierit, Berisha ka lëshuar akuza ndaj qeverisë duke e konsideruar si një kakistokraci.
Nuk kanë munguar edhe akuzat ndaj kreut të PD, Lulzim Basha, i cili sipas tij qeveria e ka marrë peng duke i ngulur thikën Partisë Demokratike.
Berisha madje u ka bërë edhe mbështetësve të Bashës, duke u thënë që atë si kryetar në fillim e ka mbështetur ai, por që nuk e priste që të merrte peng sovranitetin e partisë.
“Sot kemi një regjim që në Greqinë e Lashtë quhej kakistokraci. Sot duke marrë peng kreun e opozitës, Rama i futi një thikë pas shpinë PD-së me dorën e pengut të tij Lulzim Basha. Natyrshëm unë kuptoj se dhjetëra mijëra anëtarë të PD janë të revoltuar nga akti i pabesë i Bashës. Por ju ftoj që të mos pranojmë në asnjë mënyrë, asnjë lloj ndarje mes nesh, midis të Bashës dhe Berishës. Jo, ju jeni njerëzit e vlerave dhe besimit. Atyre që janë në këtë sallë dhe kanë mbështetur Bashën, të tjerët që nuk janë këtu dhe kanë mbështetur këtu dhe kanë mbështetur Bashën, u them një fjalë: Më shumë se të gjithë ju, Bashën e ka mbështetur Sali Berisha. Ju keni mbështetur kryetarin e PD-së, unë kam mbështetur kryetarin e PD-së, asnjë nga ne nuk i shkonte në mend se kryetari ynë, i marrë peng do të mundej që pa pyetur asnjë njeri, asnjë forum, dhe asnjë nen statuti, del me një vendim për të dorëzuar sovranitetin” – është shprehur Berisha.
Berisha gjithashtu u shpreh se këtë aksion e ka ndërmarrë vetëm për Partinë Demokratike, antarësinë e PD dhe për interesin kombëtar duke dal kundër projektit të “Minishengenit Ballkanik”, që cënonte Kosovën.
“Keni të drejtë të pyesni, doktori e ka për vete këtë nismë? Ju jap fjalën e nderit se e kam për PD dhe anëtarsinë e PD-së. Ne kemi një fjalë të urtë që thotë, më mirë qiri i fikur, sesa i fëlliqur. Ishte dhënë para e madhe për Kosovën, por goja ime nuk mbyllet kurrë për interesin kombëtar. E bëra të qartë se është tradhëti e madhe kombëtare. Është shkelje mbi gjakun e atyre që ranë për Kosovën” – ka thënë Berisha.
Sali Berisha zhvillon takimin e dytë në kuadër të “Foltores”, pas atij të Tiranës.
