Ministrja e Financave Delina Ibrahimaj deklaroi pas mbledhjes së sotme të qeverisë se në buxhetin e vitit 2022 nuk parashikohet rritje e pensioneve për pensionistët. Ajo u justifikua me faktin se problemet me inflacionin ja privojnë qeverisë rritjen e pensionit.
“Nga viti i ardhshëm nuk do të jetë një pikëpyetje por zë buxhetor i planifikuar në vitet në vijim dhe gjithashtu dua të rikujtoj që çdo vit bëjmë një indeksim të pensioneve që shkon në linjë me normën e inflacionit dhe çdo vit parashikohet si rritje e pensioneve natyrale me indeksimin e inflacionit duke mbrojtur pensionistët nga rritja e çmimeve gjithashtu edhe bonusi i përvitshëm” tha ajo.
Por tregoi se edhe këtë vit do të ketë shpërblim për pensionistët në fundvit.
“Prej vitesh bonusi i pensioneve në fund të vitit është bërë një rregull, ndonëse është konsideruar si bonus prej periudhës që kemi qeverisur”, tha ministrja e Financave.
Ministrja mburret me shpërblimin e viti të ri, por harron se pensionistët gjatë gjithë vitit jetojnë me lëmosha dhe nuk mbulojnë dot as nevojat bazë.
