Qeveria e Kosovës ka miratuar kërkesën e Ministrisë së Financave që të subvencionohen të gjithë punëdhënësit e sektorit privat, që u kanë rritur pagat punëtorëve të tyre.
Kryeministri Albin Kurti, gjatë fjalës së tij në mbledhje ne qeverisë tha se shqyrtimi i kërkesës së MF-së për ndarje buxhetore për zbatimin e pikës 1.3 të vendimit të qeverisë të datës 30 shtator, 2022, “lidhet me ‘masën 3.6 mbështetja e likuiditetit familjar të pakos për ringjallje ekonomike’”.
“Në linjë me premtimin tonë për mbështetjen e qytetarëve përmes pakos për përballje inflacion, Ministria e Financave, Punës dhe Transferimeve, ka paraqitur kërkesën për ndarjen buxhetore për të realizuar pagesën e subvencionimit për të gjithë punëdhënësit e sektorit privat që kanë rritur pagat për punëtorët e tyre”, tha shefi i qeverisë.
Më pas, ministri i Financacve, Hekuran Murati tregoi se do të ndahen 1.5 milionë euro për zbatimin e këtij vendimi të ekzekutivit.
Sipas tij, 17 mijë punonjës të sektorit privat kanë përfituar me rritjen e rrogës, e që do të subvencionohet nga Qeveria e Kosovës.
“Bëhet fjalë për masën mbështetëse për rritjen e pagave në sektorin privat. Sipas komisionit, janë kualifikuar kemi rreth 17 mijë përfitues, punonjës të sektorit privat që kanë përfituar rritjen e pagës që qeveria e ka subvencionuar përmes kësaj mase. Bëhet fjalë për 1 milion euro rritje pagash çdo muaj”, shtoi Murati.
Reporteri
Discussion about this post