Qeveria kanë ngritur çmimet për të mbushur arkën e shtetit dhe për të mbuluar abuzimet që bënë me shpenzimet. Në raportin për të dhënat e nëntëmujorit Ministria e Financave tregon se të ardhurat janë rritur 6.8% më shumë se niveli i parakrizës dhe e kanë kaluar planin për këtë vit.
Në raport evidentohet se, kontribut më të lartë kanë dhënë të udhëhequra nga TVSH dhe akciza, të cilat u ndihmuan dhe nga shtrenjtimi i produkteve të importit, të cilat u reflektuan në rritjen e çmimit për produkte e shportës bazë të konsumit.
“Të ardhurat nga TVSH në import për 9 mujorin rezultojnë 90.9 miliardë lekë, 19.4 miliardë lekë ose 27.1% më shumë se një vit më parë, si dhe 9.8 miliardë lekë ose 12.2% më shumë se plani për 9 mujorin 2021. Ekzistojnë një sërë faktorësh që kanë ndikuar në realizimin e performancës së tatimit mbi vlerën e shtuar.
Gjatë 9 mujorit 2021, produktet doganore me efekt pozitiv në të ardhurat e TVSH-së janë: karburant importi me 3.1 miliardë; automjetet e përdorura me 2 miliardë; metalet bazë dhe artikujt prej tyre me 1.9 miliardë; veshje dhe tekstile me 0.9 miliardë lekë dhe materialet e ndërtimit me 0.8 miliardë lekë, të cilat kanë një kontribut pozitiv +8.7 miliardë lekë
Të ardhurat nga akciza janë realizuar në masën 37.9 miliardë lekë, 5.9 miliardë lekë ose 18.4% më shumë se viti 2020, si dhe 2.1 miliardë lekë ose 5.8% më shumë se plani i akcizës për 9 mujorin 202”, thuhet në raport.
Nga na tjetër vihet re se bizneset në vend vijojnë të jenë poshtë nivelit të parakrizës, duke qenë se të ardhurat nga tatim fitimi nuk kanë regjistruar asnjë përmirësim për periudhën janar-shtator të këtij viti.
“Të ardhurat e mbledhura nga tatimi mbi fitimin u realizuan në masën 24.8 miliardë lekë, 4.9 miliardë lekë, ose 24.3% më shumë se 9-mujori 2020 dhe -15% në krahasim me 2019”, thuhet në raport.
Ndërsa edhe punësimi nuk shfaqet në gjendje të mirë, për shkak se MFE tregon që të ardhurat personale kanë treguar performancë të dobët në krahasim me nivelin e parakrizës.
E.H/ gijotina.com/
