Tenderët dhe koncesionet janë bërë si “vakt” i përditshëm për qeverinë tonë, në çdo ditë të javës do gjej një objekt që ta jap me tender dhe të furnizojë me para kompanitë që i ka mike. Me datë 18 tetor Bashkia e Malësisë së Madhe ka mbyllur tenderin me objekt; realizimi me bronz i skulpturës “Monumenti i luftës se Koplikut”. Sipas të dhënave të publikuar në dokument, për këtë tender është vendosur fondi limit 2. 886. 667,00 lekë.
Pra, qeveria ankohet se bashkitë nuk kanë mjaftueshëm të ardhura për të mbuluar shpenzimet dhe detyrimet që iu takojnë, por nga ana tjetër paskan para për të dhënë me tender ndërtimin e një monumenti, që në raste kritike mund të shtyhej në kohë si projekt.
Sakaq, kjo bashki jo vetëm që po shpenzon për para për një projekte që në këto momente nuk është aq i nevojshëm, por gjithashtu e jep atë pa garë dhe ne shkelje flagrante të ligjit. Ky tender renditet tek lista e “Redflags”, çka do të thotë se ka rrezikshmëri të lartë dhe është abuziv.
Fituesi pa garë në këtë rast është skulptori Dylber Neziri, për të cilin nuk është hera e parë që fiton një projekt të tillë pa garë. Kohë më parë ai ka fituar gjithashtu pa garuar projektin me objekt; Ndërtim vepër arti tek rotondo në pjesën lindore të unazës së Roskovecit, i cili kap vlerat e milionë lekëve.
Ajo që bie në sy është që, mirë kompanitë të mëdha që nuk i lë të garojnë dhe i skualifikon për arsye të ndryshme, por për skulptorët pse nuk ka pritur qeveria që të ketë disa garues për të vendosur në fund fituesin ashtu sikur e kërkon ligji për prokurimet. E.H/Gijotina.com/
Discussion about this post