Pas protestave e kundërshtimeve për rritjen e çmimeve, qeveria shqiptare është duke sajuar mënyra sesi të kursehet nafta, duke detyruar qytetarët të lëvizin në këmbë nëpër qytet.
Së fundmi është publikuar “lajmërimi” se është vendosur që e diela e parë e çdo muaji të jetë një ditë pa makina në vendin tonë.
Kështu ka bërë me dije kryeministri Edi Rama përmes një video-postimi në Facebook, duke thënë se kjo futet në fuqi nga 3 prilli.
“Nga data 3 prill, e diela e parë e çdo muaji do të jetë si fillim DITË PA MAKINA në qytetet kryesore të çdo qarku. Nëse s’e fikim dot automjetin gjatë gjithë kohës, të paktën ta bëjmë ditëve të pushimit dhe të përdorim biçikletën a ecjen në këmbë. Fillojmë menjëherë në koordinim me bashkitë këtë plan kombëtar për kursim, për mjedisin dhe për shëndetin e të gjithëve”, shkruan Rama.
Discussion about this post