Pas presidentit Ilir Meta, ka reaguar dhe nënkryetari i LSI-së, Petrit Vasili për nivelin e borxhit publik në vend. Përmes një mesazhi në rrjetet sociale, Vasili thekson se qeveria Rama duhet denoncuar dhe ndalur sot, ndërsa shton se nesër do të jetë shumë vonë. Sipas tij, nuk do të tolerojmë më që për të fituar kompanitë koncesionare qeveria të rrisë borxhin çdo vit.
“Qeveria Rama një Piramide e kalbur financiare, që duhet denoncuar dhe ndalur sot, nesër është shumë vonë!! Shqipëria po përjeton vetëm zhvillime negative të tmerrshme në ekonominë e saj dhe në ekonomin familjare të çdo shqiptari. Edhe dje qeveria mori 50 milionë euro të tjera gjoja për energjinë. Mbi 700 milionë euro u morën borxh dy muaj më parë. Në gjashte vitet e fundit janë marre 2.3 miliardë euro borxh. Investimet e huaja serioze janë zhdukur. PPP dhe Koncesione kriminale e korruptive vetëm gllabërojnë taksat e shqiptareve dhe kane zero efekt pozitiv në ekonominë e vendit dhe në shërbimet e shqiptarëve”, shkruan ai. Ndërsa, thekson se çdo raport ndërkombëtar po na tregon se korrupsioni në vit thellohet çdo vit me hapa galoponte.
Discussion about this post