Qeveria ka vendosur të propozojë kandidaturën e ish-zëvendësministres së Financave dhe Ekonomisë, Adela Xhemali, për anëtare të Bordit të Autoritetit të Mbikëqyrjes Financiare (AMF), me detyrën e Drejtoreshës së Përgjithshme Ekzekutive të Autoritetit.
Sipas raportimeve mediatike, vendimi është marrë në mbledhjen e sotme të Këshillit të Ministrave, teksa kandidatura e Xhemalit pritet të kalojë për miratim në Kuvend, sipas procedurave ligjore.
Adela Xhemali pritet të zëvendësojë në krye të AMF-së, Mimoza Kaçin, së cilës po i përfundon mandatin e saj. Ajo ka mbajtur postin e zëvendësministres së Financave dhe Ekonomisë gjatë periudhës shkurt 2020 – mars 2025.
Më herët ka mbajtur detyrën e Drejtorit të Njësisë së Projekteve Kombëtare të Zhvillimit, Drejtorit të Programimit Financiar dhe Ndihmës së Huaj në Kryeministri, si dhe Drejtorit të Përgjithshëm të Departamentit të Thesarit dhe Menaxhimit të Borxhit Publik.
Discussion about this post