Ministrja e Jashtme Olta Xhaçka ka veshur pardje, ditën e betimit një rip “Salvatore Ferragamo”, i cili kushton 379 euro.
Fotot nga betimi i djeshëm në të cilën u shfaq me rripin e shtrenjtë, ministrja i ka postuar në profilin e saj në Instagram.
Ndërkohë që jo më larg se dje kryeministri Edi Rama, në fillim të mbledhjes së parë të qeverisë në këtë mandat të tretë vuri theksin kodin etik që duhet të respektojnë ministrat, përfshirë ndalimin e udhëtimeve të luksit, dhuratat, apo përdorimi i makinës.
Por në të njëjtën kohë, edhe vetë u pikas nga mediat duke udhëtuar me një makinë luksoze, për të cilën Kryeministria bëri me dije se është e marrë me qira, po në asnjë moment nuk dha asnjë shifër sesa para dalin nga arka e taksapaguesëve shqiptarë.
Kjo nuk është hera e parë që ministret apo ministrat e qeverisë Rama shfaqen me rroba të shtrenjta. I kritikuar për blerje të shtrenjta nga publiku ka qenë edhe kreu i bashkisë Tiranë Erion Veliaj. Ai mban veshur disa bluza që në pamje të parë duken shume modeste por nëse kërkon mbi çmimin e tyre zbulon se janë blerë me shifra tepër të larta.
Ministret e qeverisë Rama janë kritikuar edhe për shpenzime të larta jashtë vendit, sikurse ishte skandali me ish ministren e drejtësisë Etilda Gjonaj e cila kishte shpenzuar 700 euro një natë në një hotel jashtë vendit.
