Ditën e nesërme do të mbahet seanca e radhës plenare ku pritet të bëhet votimi i qeverisë së re, dhe prezantimi i programit qeverisës për mandatin e tretë të PS në pushtet. Pasi të kalohen këto dy procedura, qeveria e sapoemëruar duhet të betohet para Presidentit Ilir Meta.
Seanca e nesërme vjen dy ditë pasi Meta dekretoi ministrat e qeverisë “Rama” 3, të cilët sipas SPAK dhe Prokurorisë së Posaçme rezultuan se nuk janë persona nën hetim.
Kujtojmë se, në seancën plenare të zhvilluar ditën e premte, ish-ministrja e Arsimit Lindita Nikolla u zgjodhe kryetare e Kuvendit me 79 vota pro, e katër kundër.
Situata politike në vend është mjaft e trazuar ku surprizat për këtë sezon i rezervoi PD pas largimit të Berishës nga grupi parlamentar. Ky i fundit ditën e nesërme nis aksionin kundër Bashës për rikthimin e sovranitetit të PD.
