Qeveria Rama 3 do të ketë 3 ministri të reja. Ky është ndryshimi i parë që është zbuluar 2 muaj para krijimit të kabinetit të ri qeveritar.
Dosja.al shkruan se nga 15 ministri që janë aktualisht, në kabinetin e ri, pritet të jenë edhe 3 dikastere të tjera. Ndryshimet do të prekin tri ministri që aktualisht janë të bashkuara. Edhe pse në 2017, Edi Rama i shkriu për të funksionuar bashkë, tashmë Energjia dhe Infrastruktura do të ndahen.
Ndryshimet e pritshme në kabinet:
1.Ministria e Ekonomisë do të ndahet nga ajo e Financave
2. Ministria e Energjisë dhe Infrastrukturës do të ndahet në dy ministri, u shkri në 2017
3. Ministria e Shtetit dhe Sipërmarrjes do ti bashkohet Ministrisë së Ekonomisë.
Këto ndryshime pritet të bëhen publike pas datës 9 shtator, kur pritet të mblidhet edhe parlamenti i ri.
