Premtimi për alokimin tek arsimi 5% të PPB nga qeveria pas protestave studentore në 2018 mbeti vetëm në letër dhe rrjete sociale, teksa buxheti për arsimin dhe për 2025 do jetë në kufijtë e 2.5% të PBB, madje së fundmi i reduktuar me 1 miliard euro.
Përballë këtij fakti Organizata e Kombeve të Bashkuara për Arsim, Shkencë dhe Kulturë ngre alarmin se Shqipëria është para një nevoje urgjente për të përmirësuar financimin për sektorin e arsimit dhe për një shpërndarje më të mirë të burimeve.
Në analizën e saj UNESCO evidenton se shpenzimet për arsimin në vitin 2010 zinin 3.5% të Prodhimit të Brendshëm Bruto (PBB), ndërsa në 2021 shpenzimet publike për arsimin zinin vetëm 3.1 % të PBB, teksa në tre vitet në vijim sipas të dhënave të brendshme këto raporte janë përkeqësuar me tej, ku siç dihet tashmë për vitin e ardhshëm do kalojë më pak se 2.5% e PBB.
Ulja e shpenzimeve lidhjet pashmangmërisht me uljen e numrit të nxënësve, ku për shkak të eksodit drastik Shqipëria në një dekadë humbi më shumë se 254 mijë studentë dhe nxënës.
Ky reduktim i fondeve për arsimin është pasuar me rënie të cilësisë ku sipas raporteve të PISA, shkollat tona po nxjerrin analfabetë funksionalë.
Qëndresa Qytetare fton që të kthehet vëmendja nga arsimi i shtylla e një shoqërie.
Discussion about this post