Këshilli i Ministrave ka miratuar në mbledhjen e fundit vendimin përmes të cilit përcaktohen zonat ku qytetarët do të përfitojnë kompensim financiar, për pronat që iu janë prekur nga ndërtimet informale.
Vendimi sqaron se nga procesi i legalizimit ka pasur raste kur disa banesa janë ndërtuar ilegalisht në pronën e dikujt tjetër dhe me legalizimin që i është bërë këtyre banesave, qeveria është e detyruar të dëmshpërblej të zotët e truallit.
Kështu në këtë vendim përcaktohet se shpërblimi do të shkojë për zonat; Tiranë Veri, Tiranë Jug, Vlorë, Elbasan, Krujë, Berat, Shkodër, Lezhë, Durrës, Kamzë-Vorë, Tiranë Rurale 1, Tiranë Rurale 2, Sarandë, Gjirokastër, Lushnjë, Fier, Zonat e Stimuluara dhe Korçë. Ndërsa aty është përcaktuar dhe numri rendor i çdo prone, me të cilin mund të identifikohen përfituesit.
“Masa e kompensimit është 93 262,6 m² dhe vlera e përgjithshme e kompensimit financiar është 846 656 513,94 lekë, sipas shtojcës 1, që i bashkëlidhet këtij vendimi dhe është pjesë përbërëse e tij.
Për kompensimin financiar të pronarëve të pasurive të paluajtshme, që preken nga ndërtimet e legalizuara, sipas shtojcës 1, bashkëlidhur këtij vendimi, për pasuritë me numrat rendorë sipas kolonës 14, të shtojcës 1, përkatësisht nr.1, nr.5, nr.11, nr.18, nr.41, nr.44, nr.45, nr.50, nr.58, nr.63, nr.64, nr.67, nr.70, nr.71, nr.75, nr.77, nr.78, nr.82, nr.95, nr.97, nr.98, nr.105, nr.106, nr.115, nr.193, nr.203, nr.204, nr.212, nr.217, nr.237, nr.290, nr.291, nr.292, nr.317, nr.323, nr.324, nr.326, nr.327, nr.328, nr.335, nr.337, nr.338, nr.339, nr.340, nr.341, nr.342, nr.343, sipas seksionit të veçantë (kolona 19)”,thuhet në vendim.
Në përfundim bëhet me dije se, Drejtoritë Vendore janë përgjegjëse për shpërndarjen e vlerës përfitues tek çdo pronar që përfshihet nga ky vendim.
E.H/ gijotina.com/
