Duke marrë parasysh problematiket në proces për shkak të pandemisë, qeveria ka vendosur të shtyjë afatin e bonove të privatizimit. Kështu thuhet në relacionin e projektligjit që është hedhur për konsultim publik.
Në të citohet se, tashmë çdo posedues i tyre ka të drejtë ti përdorë deri në vitin 2023, qoftë në ankandet për objektet shtetërore, por edhe në pagesën e faturës për legalizimin e banesave. Në relacionin që shoqëron draftin e dorëzuar në Kuvend thuhet se nisma ka ardhur nga Avokatura e Shtetit ku së pari renditet zgjidhja e rasteve kur shteti shqiptar ka detyrim kthimin e bonove të privatizimit në zbatimin të vendimeve të gjykatave.
“Ndryshimi që propozohet të bëhet në ligjin nr.7918, datë 13.4.1995, “Për miratimin me ndryshime të dekretit nr.1030, datë 23.2.1995, “Për emetimin dhe shpërndarjen e bonove të privatizimit (lekëve të privatizimit)”, dhe dekretit nr.1049, datë 27.3.1995, “Për disa plotësime në dekretin nr.1030, datë 23.2.1995”, të ndryshuar, në përgjigje të kërkesës së Avokaturës së Shtetit lidhur me dhënien e zgjidhjes përfundimtare të rasteve kur shteti shqiptar ka detyrim kthimin e bonove të privatizimit në zbatim të një vendimi gjykate”, thuhej në relacion.
Në fund theksohet se, një tjetër formë që mund të paguhet detyrimi përmes bonove është dhe prej ish-pronarëve. Ish-pronarët kanë të drejtë të blejnë një objekt të ndërtuar mbi tokën e tyre, përpara se qeveria ti hedhë në ankand.
Discussion about this post