Që prej datës 4 qershor, rruga pranë Liqenit të Thatë, në afërsi të Kopshtit të ri Zoologjik të Tiranës është bërë me një sens lëvizje si dhe burim i konsiderueshëm “ndëshkimi” për shumë shoferë. Të paktën 200 shoferë janë konfrontuar me Policinë, pas gjobave që kanë marrë në këtë segment. Ndërkaq, njëri prej tyre, eksperti i trafikut, Sokolol Kikino i cili nuk e kishte parë sinjalistikën e vendosur për ndalimin e rrugës shprehet se i është pezulluar patenta për 3 muajt e ardhshëm. Kikino thekson se policët duhet të jetë më bashkëpunuese e duhet të vendosen në krye të rrugës, me ditë të tëra për të informuar qytetarët. Sjelljen e uniformave blu, ai e cilëson si me dy standarde.
Pas mbërritjes së medias, policia luajti një rol këshillues për shoferët që nuk e shikonin sinjalistikën dhe i orientonin drejt segmentit që duhet ndjekur. Nga ana tjetër, shoferët kishin mendime të ndryshme sa i përket vendimit për ta kthyer këtë rrugë në një sens lëvizje. Njëri prej tyre tha se ky vendim duhet të anulohet, ndërsa një tjetër, u shpreh se prej dy javësh qarkullimi është lehtësuar ndjeshëm.
Discussion about this post