Ndërtimet pa leje gjatë vitit 2021 u rritën me 11% krahasuar me vitin 2020. Tendenca në rritje lidhet edhe me faktin se shumë qytetarë kanë qenë të detyruar të ndërhyjnë në banesat e tyre, për shkak të dëmeve që ka lënë pas tërmeti i 26 nëntorit të vitit 2019. Disa qytetarë të dënuar nga gjykatat për ndërtim të paligjshëm, shprehen se edhe kur e ka pasur të nevojshme që të bënte punime për shkak të tërmetit në shtëpi, ata janë arrestuar nga Policia.
“Banesa ishte dëmtuar nga tërmeti me çarje muresh dhe soletë, kam qenë e detyruar të kryej punime” – u shpreh një e dënuar.
“Punimet janë diktuar edhe nga dëmtimet e tërmetit të datës 26.11.2019 në banesën time,” – tha një tjetër i dënuar” – shprehet një qytetar tjetër.
“Fillova ndërtimin e një shtëpie në tokën time pasi për shumë kohë jetova me qira. Shtëpinë e vjetër ma ka prishur tërmeti” – rrëfeu një tjetër qytetar.
Rezulton se shumica e të dënuarve kanë kryer ndërtime në banesat e tyre pa marrë lejen përkatëse ose në tejkalim të lejeve për rikonstruksion dhe punime të brendshme. Në padijeni të këtyre procedurave ishte dhe një 81-vjeçar në fshatin Ndroq të cilit gjithashtu i ishte dëmtuar shtëpia nga tërmeti.
Gjykata e Tiranës e ka dënuar për ndërtim të paligjshëm me 4 muaj burg. Por i moshuari nuk u dërgua në qeli, ai e vuajti dënimin me qëndrim në banesën e tij.
Discussion about this post