Një situatë e pazakontë është regjistruar në fshatin Krapës, në njësinë administrative Portëz të bashkisë Fier, ku qindra shpendë kanë ngordhur brenda pak orësh, duke ngritur dyshime për përhapjen e gripit të shpendëve.
Sipas banorëve, ngordhja masive ka ndodhur papritur, ndërsa shpendët kanë shfaqur simptoma të rënda para se të ngordhnin. Syri.net raporton se ata thonë se frika për një sëmundje infektive është e madhe, jo vetëm për fermat përreth, por edhe për shëndetin publik.
Ajo që e bën situatën edhe më shqetësuese është mënyra se si po trajtohen shpendët e ngordhur. Një pjesë e tyre po groposen, ndërsa shumë të tjera, sipas dëshmive të banorëve, janë hedhur në lumin Gjanicë, duke rrezikuar një ndotje të gjerë mjedisore. Ky lum përshkon disa zona të banuara dhe bujqësore, kalon përmes qytetit të Fierit dhe derdhet në det.
Discussion about this post