Kreu i Lëvizjes Bashkë, Arlind Qori, përmes një postimi në rrjetet sociale, ka ironizuar kryebashkiakun Erion Veliaj, i cili shfaqet në media duke takuar qytetarë të ndryshëm, thjesht e vetëm për shoë. Qori shkruan se kjo nuk është as politikë dhe as qeverisje, por një farsë.
“Erion Veliaj po inspekton një rrugë.
Në fillim takon një gjyshe (me përparëse, si të ishte në mes të gatimit), e cila mbante për dore nipin e vogël.
Ndalet dhe e përqafon fëmijën si ta kishte të birin e vet.
Bën ca hapa. Rrugës i del një burrë i moshuar. Edhe këtë e përqafon si ta kishte njeri të zemrës që sapo ka dalë nga spitali. Pastaj del e ciceron për minuta të tëra për arritjet e bashkisë”, shkruan Qori.
Postimi nga Arlind Qori
Jam në kafe. Po lexoj një libër të mërzitshëm. Ngre sytë dhe shoh një kronikë televizive. Erion Veliaj po inspekton një rrugë.
Në fillim takon një gjyshe (me përparëse, si të ishte në mes të gatimit), e cila mbante për dore nipin e vogël.
Ndalet dhe e përqafon fëmijën si ta kishte të birin e vet.
Bën ca hapa. Rrugës i del një burrë i moshuar. Edhe këtë e përqafon si ta kishte njeri të zemrës që sapo ka dalë nga spitali. Pastaj del e ciceron për minuta të tëra për arritjet e bashkisë.
Kjo farsë nuk është as politikë, as qeverisje, as gazetari.
I kthehem mërzisë së bekuar.
Discussion about this post