Spitali “Nën Tereza” i ka kërkuar 2 milionë lekë Agjencisë së Blerjeve të Përqendruara për mirëmbajtjen e ambulancave. Kjo e fundit nuk është menduar dy herë dhe kështu i ka hapur rrugë QSUT-së që të zhvillojë një tender për të marrë këtë shërbim. Por ky tender është plot shkelje dhe është kthyer në një hapësirë korruptive.
Shkeljet janë evidentuar nga një kompanie e cila mori pjesë në garë dhe tashmë e ka denoncuar këtë projekt në Komisionin e Prokurimit Publik. Kompania “ALSTEZO sha” pretendon se tenderi me objekt “mirëmbajtjen e ambulancave për QSUT” ka qenë më fitues të paracaktuar. Kjo pasi janë vendosur disa kritere diskriminuese dhe që pengojnë konkurrencën.
Konkretisht, ankimuesi shprehet se në shtojcën numër 8, pika 8 në dokumentet e tenderit kërkohet që kompania ofertuese të garantojë që pjesët e këmbimit kanë garancie një vjeçare. Kriter, që sipas ankimuesit, krijon burokraci. Ndërsa citon si të saktë, shtojcën 5 në ligjin për prokurimet, ku thuhet se për pjesët e këmbimit i përmbahen garancisë që ofron prodhuesi ose një distributor. Ndër të tjera, ankimuesi shprehet se Autoriteti Kontraktor ka skualifikuar ofertat më të lira dhe ka shpallur menjëherë fituese kompaninë me vlerën më të lartë dhe që rezulton prej vitesh fituese e këtij shërbimi. Pra, edhe këtë herë kontrata ishte përcaktuar për “mikun besnik” të qeverisë.
Discussion about this post