“Qumështit t’i ulen taksat”, ekspertët e bujqësisë kërkojnë heqjen e 20% të TVSH-së

Subvencionet e pamjaftueshme për blegtorinë janë arsyeja kryesore që qumështi vendas ka vështirësi të konkurrojë me importet. Fermerët kërkojnë një çmim më të lartë për qumështin, por kjo kërkesë nuk mbështetet nga bizneset dhe Ministria e Bujqësisë. Politika e gabuar fiskale, si taksa 20% e TVSH-së, e bën prodhimin vendas më të shtrenjtë dhe favorizon importet.

Shqipëria duhet të përdorë barriera tregtare për të mbrojtur prodhimin vendas, duke bllokuar importet e qumështit të subvencionuar nga jashtë. Shteti mund të ndryshojë situatën duke vendosur taksa më të larta për importet dhe duke inkurajuar fabrikat të blejnë qumështin shqiptar.

Qumështi blihet tepër lirë nga fermerët, ndërsa nënproduktet e tij kushtojnë shumë shtrenjtë për konsumatorin. Në market një kg djathë lope sot kushton nga 1000-1200 lekë ndërsa gjalpi kap vlerën e 1800 lekëve. Ky çmim është i kënaqshëm për biznesin, por jo për qytetarët.