Mbrëmjen e djeshme mbërritën 154 qytetarë të tjerë afganë në dy fluturime nga Doha dhe Kabuli. Avioni i parë me 95 afganë nga Kabuli mbërriti në orën 22.45, ku u pritën nga ministja e Jashtme, Olta Xhaçka dhe ambasadorja, Yuri Kim. Grupi i dytë me 59 persona erdhën nga Doha në orën 01:00 pas mesnate, të cilët u pritën edhe nga kryeministri Rama.
Burime për Gijotina.com bëjnë me dije se të ardhurit gjatë natës së djeshme janë akomoduar në Tiranë, ndërsa në total numri i qytetarëve afganë të mbërritur në Shqipëri në 48 orët e fundit është 275.
Të premte rreth orës 03:00 të mëngjesit mbërriti grupi i parë me 121 afganë, të cilët janë akomoduar në Durrës.
