Për muajin qershor Agjencia e Mbikëqyrjes Policore ka denoncuar në prokurori 50 punonjës të policisë së shtetit, si dhe 12 shtetas të cilët dyshoheshin që kishin bashkëpunuar me uniformat blu. Në kuadër të këtyre procedimeve nga ana e gjykatës është parë e arsyeshme që 19 persona të lihen me masë sigurie.
Ndaj 1 punonjësi të policisë është dhënë masa e arrestit më burg, 6 punonjës janë arrestuar në flagrancë, 2 të tjerë me arrest shtëpie, ndërsa për 10 punonjës të tjerë është dhënë masa e pezullimit nga detyra.
Vetëm për muajin qershor janë trajtuar 220 ankesa nga qytetarët. Edhe në këtë muaj 90 kërkesa ka për efektivët e rendit publik, 83 për policinë rrugore, 36 për hetimin e krimit, 7 ankesa për kufirin dhe emigracionin, si dhe një për shërbimin zjarrfikës.
Fokusi i Agjencisë së Mbikëqyrjes Policore në këtë sezon është edhe goditja e punonjësve të policisë, të cilët nuk referojnë rastet apo përfshihen në kultivimin e kanabis sativës. Pak javë më parë 4 punonjës të policisë të Velipojës ranë na pranga, por që më pas gjykata i caktoi atyre masën e arrestit në shtëpi.
Sipas AMP-së këto punonjës të policisë kanë lejuar kultivimin e kanabisit në zonë, në të cilën u sekuestruan disa rrënjë kanabis.
Discussion about this post