Qytetarët e Lushnjes, Fierit dhe Divjakës kanë dalë ditën e sotme në protestë kundër rritjes galoponte të çmimeve për produkte të ndryshme përfshirë dhe naftën.
Sipas burimeve, qytetarët kanë bllokuar rrugën te “Pushimi i Shoferit” dhe shprehen të sigurt se nuk do t’i ndalin protesta deri në arritjen e qëllimit të tyre. Njëri nga qytetarët u shpreh i irrituar se përse qeveria nuk po ndërhyn, ndërsa shtoi se ndihen si në burg
“Do vazhdojmë derisa të ulen çmimet. S’na intereson politika. Ndryshon çmimi 3 herë në ditë. Nuk mundemi më nuk vazhdojmë dot më. Janë rritur plehrat, nafta. Kemi prekje katastrofike. Nga nafta, tek plehrat, tek shitja. O të vërë dorë shteti, o të na mbysë fare. Ne jemi si në burg, edhe pse jemi jashtë. Këtu nuk ka politikë, nuk ma ndjen fare. Për mua do të jenë gjithmonë opozitë”, tha një prej tyre.
Ditën e djeshme u shënuar dita e dytë e protestës para kryeministrisë ku numri i qytetarëve ishte shumë i lartë, ndërsa sot është paralajmëruar një tjetër protestë.
Discussion about this post