Dy ditë pas aksidentit tragjik të autobuzit në Bullgari, ku humbën jetën 46 persona, qytetarët shqiptarë kanë zhvilluar homazhe në nderim të të ndjerëve. Me qirinj dhe lule në dorë krahas emrave të viktimave, qytetarët janë mbledhur në sheshon “Skënderbej”, ku janë solidarizuar me dhimbjen e familjarëve që humbën të afërmit e tyre në tragjedinë e 23 nëntorit.
Ky organizim ësëhtë iniciuar nga postimet në rrjete sociale, kryesisht aktivistë dhe figura publike.
Aksidenti tragjik ka ndodhur më 23 nëntor në një autostradë në jugperëndim të Sofjes. Fillimisht mjeti ka humbur kontrollin duke u përplasur me barrierat anësore. Më pas autobusi është përfshirë nga flakët. Si pasojë e aksidentit, kanë humbur jetën 46 qytetarë. Nga hetimet e deritanishme, dyshohet se ka qenë gabimi i shoferit, por do të pritet përfundimi i hetimeve për të përcaktuar shkakun.
Për këtë ngjarje, Maqedonia e Veriut dhe Kosova kanë shpallur ditë zie kombëtare, ndërkohë që Shqipëria nuk e ka bërë një gjë të tillë.
Discussion about this post