Kryebashkiaku i Tiranës, Erion Veliaj ka qenë në zyrën e tij në momentin që nisi protesta e thirrur nga Aleanca për Mbrojtjen e Teatrit Kombëtar.
Por duket se Veliaj është larguar nga Bashkia e Tiranës pas mbledhjes së protestuesve para derës së institucionit.
Këtë e bëri të ditur drejtuesi i PD-së për Tiranën, Belind Këlliçi. Ky i fundit tha se Veliaj është duke shkuar së bashku me drejtorët e mbetur për të ngrënë një drekë në Lundër.
“Ndërkohë që ne jemi këtu në protestë, ndërkohë që anëtarët e këshillit bashkiak kërkojnë informacione për vjedhjet që kanë ndodhur, ndërkohë që jemi në ditë pune dhe anëtarët e këshillit bashkiak kanë gjithë të drejtën ligjore për t’u future në Bashkinë e Tiranës, a e dini ku po shkon Erion Veliaj? Po shkon të drekojë me pjesën tjetër të bandës së ‘5D’-së në restorantin e një banditi tjetër, administratorit të njësisë Farkë, Narit të Lundrës që nuk ka lënë tokë të fshatarëve e qytetarëve pa grabitur”, theksoi Këlliçi nga megafoni i protestës.
Discussion about this post