Numërimi i votave për zgjedhjet e pjesshme lokale janë duke përfunduar.
Nga rezultatet e deritanishme, PS ka fituar 5 bashki dhe “Shtëpia e Lirisë” bashkinë e Shkodrës. Një dështim për PD zyrtare.
Pjesëmarrja në këto zgjedhje nuk i kaloi 30%, duke dëshmuar edhe një herë se shoqëria shqiptare nuk ka më besim të asnjë palë politike.
Ende pa u mbyllur zyrtarisht numërimi, kryeministri Edi Rama nëpërmjet një postimi në “Facebook” ka reaguar duke falënderuar punën e bërë nga kandidatët e PS-së.
Më poshtë Rama shton se këtë fitore nuk mund ta shijojë aq sa duhet pasi vetëm 2 orë në vijë ajrore lufta po vret dhe shkatërron, por gjithashtu po ndikon edhe në rritjen e çmimeve globale.
Nuk ka vonuar komentet nga qytetarët si edhe përgjigjet epike të kryeministrit të cilat tanimë janë kthyer në modë.
Një qytetar i shkruan duke i kujtuar se pjesëmarrja e ulët në votime tregon për dështim dhe jo për arritje, por Rama e kishte një përgjigje edhe për këtë.
Komenti i qytetarit: “Ne vend që të bëni autokritikë për pjesëmarrje të ulët në votime, flisni për arritje.
Një shoqëri, ku 70% e saj rri në shtëpi në kohën e votimeve, dëshmon në mënyrë të pakundërshtueshme, se diçka serioze ka ndodhur. Qytetarët kanë humbur përgjithësisht besimin.
Pse?! Kësaj pyetje, veten ju jeni në gjendje t’i përgjigjeni. Përshëndetje!”
Përgjigja e kryemistrit: “E para njëherë në zgjedhjet e pjesshme gjithnjë pjesëmarrja është më e ulët se zakonisht, jo në Shqipëri po kudo; e dyta llogaria me 70% ndenjie në shtëpi është gabim, sepse në listë janë të tërë, edhe ata që janë jashtë shtetit, kështu që pjesëmarrja e atyre që banojnë këtu e kanë mundësi votimi është natyrisht më e lartë se sa 30%; e treta, po më e rëndësishmja, në postimin tim kam folur për diçka krejt tjetër dhe jo për ndonjë arritje!”.
Discussion about this post