Prej disa javësh kryeministri dhe ministrat kanë ngritur “alarmin” e krizës në vend duke shqetësuar qytetarët, e duke u justifikuar se do të kenë një “zgjidhje”.
Qeveritarët apelojnë që në këtë kohë krize taksapaguesit e rregullt që janë qytetarët të “kursehen” me shpenzimet.
Megjithatë kriza duhet të ndaloj çdo shpenzim të padomosdoshëm, por jo atë të luksit qeveritar. “Bëj si them unë por mos bëj si bëj unë”, është fraza që e shoqëron qeverinë në çdo vendim qesharak që merr.
Janë plot 2.5 mln euro që do të përdoren për mobilimet në 5 institucione.
Sipas një tenderi të hapur nga Agjencia e Blerjeve të Përqendruara për llogari të 5 institucioneve shtetërore për të rregulluar ambientet e punës, do të harxhohen rreth 2.5 milionë euro.
Vetëm Qendra Spitalore Nënë Tereza kërkon gjysmën e kësaj shifre, rreth 1,2 milionë euro, për të mobiluar zyrat e saj. Gjysma tjetër do të shkojë për të rregulluar zyrat e ushtrisë, policisë, ministrisë së drejtësisë dhe drejtorisë së burgjeve.
Mobilimi i zyrave të komandës së forcës tokësore kërkon 685 mijë euro. Policia e shtetit ka kërkuar 377 mijë euro me afat marrëveshje 3 vite. Ndërsa Ministria e Drejtësisë dhe Drejtoria e Burgjeve janë më modeste ne kërkesat e tyre duke kërkuar përkatësisht 29 dhe 20 mijë euro.
Pak ditë më parë Agjencia e Blerjeve të Përqendruara hapi një tender 14 milion eurosh për blerje karburanti i cili do përdorët nga administrata.
Hapja e këtyre procedurave tenderuese vjen në një kohë kur buxheti i shtetit është duke u përballur me një serë emergjencash kriza energjetike si dhe rritja e çmimeve të ushqimeve dhe karburantit.
Discussion about this post