Qytetarët dibranë janë ngritur në një protestë këtë të diel për mbrojtjen e Ludinës së Drinit të Zi. Protesta u mbajt në bulevardin “Elez Isufi” ku thirrjeve kundër ndërtimit të Skavicës, të shoqatës iu bashkuan intelektualë, drejtues të shoqatave të tjera dhe qindra qytetarë. Gjithashtu u firmos edhe një peticion që do t’i dërgohet qeverisë dhe Ambasadës së SHBA në Tiranë.
Qytetarët ishin me pankarta në duar e protestuan përreth një orë dhe shpalosën argumentet e tyre pse janë kundër këtij HEC-i që përmbyt përgjithmonë 32 fshatra, me rreth 12 mijë banorë dhe më shumë se 13 mijë hektarë tokë.
Nazmi Dibra, i cili është kryetar i shoqatës për Mbrojtjen e Luginës së Drinit të Zi pohoi se nuk do të pranohet një vepër që do të mbysë Dibrën.
Më tej folën dhe ekspertë mjedisi e historianë të cilët treguan se çfarë dëmesh do të shkaktohen nga ndërtimi i tij.
Discussion about this post