Qytetarët para kryeministrisë: Rama na vë fletërrufe për Putinin! Ça na duhet ai?

Qytetarët po protestojnë për të shtatën ditë rresht kundër rritjes së çmimeve të karburanteve dhe produkteve të shportës përballë Kryeministrisë.

Edhe pse më të paktë në numër se në ditët pararendëse ata shprehen të vendosur se nuk do e ndalin revoltën e tyre dhe se të shtunën është marshimi i madh.

Njëri prej protestuesve është shprehur se një populli me kaq halle nuk i duhet asnjë lloj lideri i huaj, dhe se të gjitha kërkesat janë për një të ardhme më të mirë për rininë.

“Jam rini që revoltohet, poshtë oligarkët”-bëjnë thirrje studentët. “Të ulet tarifa për masterin, e papërballueshme”-shkruhet në pankarta.

Qytetari: Është gjynah për ju të rinjtë që vuani se ne ikëm. Kaq fuqi kemi ne, vijmë një orë e ikim. Rama na vë fletërrufe në kurriz për Putinin, ça më duhet mua ai, kemi halle këtu!