Ditën e sotme qytetarët janë rikthyer sërish për të protestuar kundër rritjes së çmimeve para kryeministrisë.
Aktivisti Rigels Xhemollari është shprehur se sot nuk do parashtrohen më kërkesa por do ketë thirrje, ovacione, pankarta.
“Thirrje ovacione pankart do ketë sot, kërkesat që janë bërë më parë i bejmë thirrje qeverisë të reflektojë. Kryeministri Rama pavarësisht reagimeve të drejta, gjuha e tij ka treguar se ka reaguar, ka bërë takime me grupe interesi, nxori paketën pavarësisht se nuk është optimist”, shprehet Xhemollari.
Aktivisti tha se kërkesa kryesore ka qenë dhe do të mbetet që qytetarët shqiptarë të mos vidhen dhe të trajtohen me dinjitet, duke theksuar se Rama duhet t’i japë fund propagandës së tij.
“Duke vizituar marketet, ne nuk kemi kërkuar që të kthehen në inspektorë por që të kujdesen që të mos vidhemi dhe të trajtohemi me dinjitet”, ka nënvizuar ai.
Discussion about this post