Dita e Verës përkon me dy evente të rëndësishme që pritet të pushtojnë qendrën e Tiranës mbrëmjen e sotme, protesta për rritjen e çmimeve përpara Kryeministrisë, dhe koncerti i yllit latin me famë botërore Maluma.
Ndonëse e sotmja duhet të ishte ditë feste, nuk është e tillë për shumicën dërrmuese të vendit tonë, pas rritjes galoponte të çmimeve duke ia vështirësuar më shumë jetën qytetarëve.
Prej ditësh vendi është mbushur nga protestat masive duke tronditur themelet e qeverisë, e ndërkohë që qytetarët nuk kanë mundësi të blejnë as produktet e shportës, Lali Eri, i cili që prej nisjes së protestave duket se është zhdukur nga faqja e dheut, ka organizuar një koncert, për të cilin ka paguar një çmim marramendës.
Gijotina.com raporti disa ditë me parë se çmimi që bashkia Tiranë ka paguar për ardhjen e Malumës është plotë 600 mijë euro, shifër kjo tejet e lartë, duke fyer të gjithë njerëzit që shkojnë në protestë për uljen e çmimit të bukës dhe naftës.
Paradoksi është mjaft i madh, nga njëra ana protesta e nga ana tjetër koncerti i Malumës, për të cilin protestuesit kanë bërë thirrje që të bojkotohet aq kohë sa vendi është në kulmin e krizës dhe protestave.
Discussion about this post