E mbani mend Lali Erin kur donte t’i hiqte depozitat e ujit nga tarracat e pallateve?! Pastaj e rriti çmimin e ujit dhe premtoi se me këto para do të na furnizonte 24 orë ujë në shtëpitë e kryeqytetasve! Harrojeni! Ky kryebashkiak nuk e çon dot ujin 24 orë as tek zyra e tij. Lali Eri po blen pompa. Me tenderin e hapur me datë 19 tetor nga Bashkia Tiranë, do të blihen 47 pompa uji për ndërtesat e saj. Bëhet fjalë për prokurimin me numër reference REF-46453-10-18-2022 dhe objekt “Blerje pompa uji”. Në dokumentet e tenderit tregohet se shuma e vënë në dispozicion është 4.992. 535,00 dhe këto pompa do shkojnë në dorëzim të Drejtorisë së Përgjithshme të Objekteve Publike Tiranë, sigurisht për të çuar ujë në zyrat e Lali Erit.
Në dokument nuk është përcaktuar se ku konkretisht do të vendosen këto pompa uji, por vetëm tregohet se pompat do të përdoren ne furnizimin me ujë në ndërtesa civile, rrjete shpërndarëse dhe për çfarëdolloj aplikimi për ujëra të pastra.
Ndërkohë, vini re, me 50 milionë lekë të vjetra, Lali Eri do të blejë vetëm 47 pompa. Të paktën 47 godina e zyra do kenë ujë me presion nga këto pompa prej ari që kushtokan shtrenjtë, po ashtu mund të largojnë ujërat e përdorura. Ndërkohë vetëm pak ditë më parë Veliaj ka hapur tenderë me miliona lekë automjete moderne, Agjenci Kreative dhe suvenire, për të plotësuar ëndrrat dhe luksin e pushtetarëve.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post