Ditën e mërkurë, Partia Socialiste lejoi drejtësinë të hetojë ish-ministrin Arben Ahmetaj. Edhe opozita ka dorëzuar raportin se përse SPAK-ut duhet t’i jepet drita jeshile që Ahmetaj duhet të arrestohet.
Ish-zv/kryeministri po hetohet për tre akuza, atë të korrupsionit, pastrimit të parave dhe fshehjes së pasurisë. Ndërkohë, avokatët e tij konfirmuan se ai është larguar nga Shqipëria, por se nuk e dinin se ku ndodhej, me cfarë qëllimi dhe a do të kthehej më.
Kjo gjë ka shqetësuar qytetarët, të cilët nuk ngurojnë të japin mendimet e tyre në emisionin “Mirëmëngjes me Bashkim Hoxhën”. Ndër të tjera një telefonues i ka bërë thirrje Ahmetajt, të mos kthehet në Shqipëri sepse këtu janë bërë krime edhe më të rënda dhe të akuzuarit nuk e kanë vuajtur dënimin.
“Përshëndetje Bashkim! Kam një mendim për Ahmetajn. Nuk e di nëse më kuptoni, por ai nuk duhet të kthehet në Shqipëri për 10 vjet, sa t’i falet dënimi. Nuk duhet të kthehet për arsye se këtu janë bërë krime shtetërore, janë vrarë dhe njerëz dhe nuk janë futur në burg. Pa u futur këta në burg, nuk mund të merren vendime të tjera. Unë nëse po më dëgjon ai kudo që të jetë, i them që nuk duhet të kthehet pa marrë parashtrimin. I lutem Zotit Ahmetaj, të mos kthehet. Nuk duhet të mos kthehet sepse siç të thash dhe një herë, këtu janë bërë krime dhe më të rënda”, tha ai./
Discussion about this post