Policia ka dalë me deklaratë zyrtare pas bërjes publike të një video, ku shihet se në komisariatin e Patosit, një efektiv dhunon një qytetar.
Uniformat blu shprehen se qytetari ishte me gërshërë dhe se ka kanosur policin e ndaj ai është arrestuar.
“Në lidhje me një video të publikuar në rrjetet sociale ku shfaqet një shtetas në ambientet e stacionit të Policisë Patos, duke u konfliktuar me punonjësin e Policisë, ju sqarojmë se:
Shtetasi B. H., 57 vjeç, banues në Rërës, Patos, në gjendje të dehur, ka shkuar në Stacionin e Policisë Patos, dhe ka kanosur me një palë gërshërë punonjësin e Policisë që ishte me shërbim, shtetasin B. K., 54 vjeç, banues në Fier.
57-vjeçari u shoqërua në ambientet e Komisariatit të Policisë Fier dhe po kryhen veprimet nga OPGj i Prokurorisë për arrestimin në flagrancë të tij për veprën penale “Kanosja për shkak të detyrës””, sqaron policia.
View this post on Instagram
Discussion about this post