Personat me aftësi të kufizuara i janë bashkuar protestës ditën e sotme. Një prej tyre tha se jeta po bëhet më e vështirë së kurrë, ndërsa në lidhje me paketën e rezistencës sociale të prezantuar nga Rama tha se është e pamjaftueshme dhe se disa grupe invalidësh nuk e përfitojnë. Ai tregoi s e nuk mund të blejnë dot as ushqimet bazë, ndërsa terapitë e nevojshme i kanë ndërprerë.
“Kam ardhur edhe herë të tjera, kam marrë pjesë në protestë, jeta po bëhet çdo ditë e më e vështirë, jo më shtresa jonë në nevojë. Paketa që ka shpallur ky është e pamjaftueshme për ne, disa grupe e përfitojnë, disa asnjë cent.
Ne s’do përfitojmë asnjë gjë. Unë do rri, do bëj pauza dhe do kthehem përsëri. Çmimet kanë filluar me kohë, se e bëj pazarin vetë, me 10 mijë lekë dhe nuk blen dot gjë, janë prek frutat zarzavatet. Ne si kemi blerë asnjëherë produktet, por litari po na shtrëngohet në fyt. Jemi një shtet që të merr taksa. Është turp të thuash që është shtete, nuk jemi të mbrojtur”, u shpreh ai.
Discussion about this post