Ish-Kryeministri Sali Berisha ka denoncuar ditën e sotme përmes rrjetit social facebook rastin e një plagosje në Vorë, ku një punonjës i Gardës së Republikës së bashku me djalin e kryetarit të PS-së Vorë kanë dhunuar dhe kanë plagosur tre të rinj.
Në një mesazh dërguar ish-Kryeministrit, qytetari në fjalë pretendon se punonjësi i Gardës, djali i kryetarit të PS Vorë dhe bashkë me një tjetër person të quajtur Luan Lama, i dënuar më parë për grabitje dhe mashtrim, i kanë prerë rrugën dhe i kanë qëlluar me armë.
Mesazhi më tej thotë se njëri nga të rinjtë është në gjendje të rëndë. Ajo që është më shqetësuese për këta të fundit është mos reagimi i policisë së shtetit.
